ZAZPI TXANGO 2013: IPARLA (UZTAILAK 7)

Zurriolako artzaiak beti bezain ondo gidatuta, trapu zaharra Iparla mendiko tontorra eta "bidekoak" konkistau zituen. Egun zoragarria!!!!
Kontalariaren zain.......



Argazkiak:

https://picasaweb.google.com/eribeko/Iparla201377?authkey=Gv1sRgCLWLlIbY5JXPzgE#

Uste duzu gainditu dituzula maldarik gogorrenak, isuri izerdirik latzenak... tontorrera bideko ahalegin berdingabean eta -hara!- neskatxa gaztea ziztuan gora... Eta segidan -otx!- adineko bikotea gandorrean zehar lasterka... Putreek ere aisa erabaki dute - izatekotan- zein izan litekeen bere gaurko hamaiketakoa... Haien itzal luzeak uneoro bidelagun... National Geographic-eko dokumental baterako atondua dirudien emakumeak egin digu gailurreko argazkia. Kaliforniarra Iparlako tontorrean...
Errobi... ur gardenetan freskaldia... Atzera errepidean...
Uste duzu ailegatu zarela munduko bazterrik ezkutuenera, bista ederreneko parajera, mapetan ere ageri ez diren kaminuetan barrena... Ari zara ondo merezitako otorduaz gozatzen eta -ba ote!- gizaseme errusiarra tablet itzultzailea lagun...
Baiki, mundua halako anabasa da, inoizka ordenatua dirudien kaosa... Lesakako bestetakoaren tankerakoa. Non bertan baino Txurrimuski hoberik? Nora bertara baino bisita alegeragorik?

Ibiltariak: ZTX Goi Mendiko Komandoa: ZTx1 (Zeruko Txinpart), ZTx2 (Zatoperentx), ZTx3 (Zortziko Txiki), ZTx4 (Zurriolako Txoro).

 

 

 

 

Earki bizi!!!!!!!

hartzak lasai

Only the lonely

Sortzetik espainiar. Historia nahi den beste makilajez apainduagatik, aurrena indarraren legez eta, ondoren (makilaje hautsak), lege-indarrez. Español jaiotzetik. "Spain is different" ikasi genuen. Beraz,  ez zen euskaldunona "egitate bereizgarri" ("hecho diferencial") bakarra. Español gisa ere, ezberdin munduaren aurrean. Orain Europak berdintzen gaitu, omen. Baina, gure euskal nortasuna aldarrikatzen dugunero, bide bazterrera bultzatzen gaituzte, non ez gaituzten lehenago ezpondatik behera amildu.

Krosak, maratoiak,... eta bizialdi osoak egin beharrean gaude lasterka gure izaerari bultzaka, gure nortasunari  tiraka... "kasaka gorrien" zaintzapean, gizarte gero eta axolagabeago batean? Txapelketatik egotziak... Naturaltzat ematen dugu etxean arrotz bihur gaitzaten. Haatik, erreparatu une batez argazkiari: ez ote ditu gure arrazoiak zuztar sendoak? Baiezkoan gaude.